l Believe 이 수 영

for love 김종환

Sanullim - 내게 사랑은 너무 써 [live]

Soul Sound

Sugababes - Lady Marmalade

Push The Button by sugababes

түр ч гэсэн үхэж байя

Норсон мод Нойтон газар

Нэрлэхэхдээ гаргадаг...

Нэрийг нь мартчихсан Зарим учралууд

Хуурамч юм доо энэ бүхэн

Элээгээд л дуусгадаг хорвоод

Их бодож зуун жил

За мартагдахгүй бол мянган жил

Заримдаа айх юм мартагдахаас.

Яг одоо юуны төлөө амьдарч байна ...

Ямар нэгэн магтаал Үнэгүй болсон хүндлэл

Өөрийгөө мартчихсан бялдуучлал уу..

Эсвэл хайр ,Энэ биеийнхээ төлөө юу

Багтай дэлхийд баггүй төрсөндөө

Харамсаж байна би

Секунтын дотор сая эсээ үхүүлээд ...

Сэргээгдэх хүртэл нь түр үхэж байя

........Зөвшөөрөөч ...........

*****Мартаагүй*****

Мартаагүй....


Уруул чинь ямар зөөлөн билээ
Би тэрийг санах гэж зүүдээ манадаг
Угаасаа гуних гэж чамд дурласан юм чинь
Учиралдаа би гомдоогүй шүү. Бурхан мэднэ

Тэнгэрлэг чамд дурлах гэж ирмүүн зүрхтэй төрсөөн би
Тэгсэн ч чамайг дурсах гэж ганц шүлэгтэй үлдсээн би
Тоолж болдоггүй буцах шувуудын сүүдэрт даарч
Төөрч алслан хоцрохдоо чамдаа би гомдоогүй ээ

Дурлалын зовлон болж чамайг явсан тэр өдрөөс хойш
Дусал нулимс бүрээ дотогшоо залгихад гашуун байсан
Дурсамж үерлэх намрын сэрүүн цагаар
Дуугүйхэн дүнсийх эр хүн болж үлдсээн би

Г.Гантулга

би монголоороо гоёдог

Ш.Гүрбазар: Би монголоороо гоёдог


Хөх Азийн цээжин дээр ирж буцахын учир
Хvмvvvний алтан заяа энд байхын учир
Туурайн тамгатай хөрсөн дээр
Унагатай хамт тэнцэж хөлд орохын учир
Тунгалаг шандны толиог
Хулантай хамт булаалдаж рашаан амсахын учир
Би Монголдоо мэндэлсэн

Газар тэнгэрийн савслагад гайхуулан байж
Ганц яваа насаараа би Монголоороо би гоёно
Би
Хөхөөтэй зуны цэцгийн алаг шvvдрээр хөлөө гоёдог
Хvрэн толгойн сvvдрийн айзам жавхаагаар нь хоолойгоо гоёдог
Зэрэглээтсэн талын бараан нvvдлээр харцаа гоёдог
Зээгэлсэн шар толгодын алтан хормойгоор хаяагаа гоёдог
Би Монголоороо гоёдог
Айрганд нь ардын дуу иссэн хөхүүрээр нь ханаа гоёдог
Аяганд нь vдийн нар далбилзсан өвгөдөөрөө хоймроо гоёдог
Хаврын тэргvvн сарын шинийн нэгэнд ашдын билэгээр гоёдог
Намрын дунд сарын арван долоонд амрагийн харцаар гоёдог
Би Монголоороо гоёдог
Ширгэшгvй Хэрлэнгийнхээ усыг нар зөв бvсэлж гоёдог
Шилгэшгvй нутгийнхаа уулсийг нас зөв тvшиж гоёдог
Би Монголоороо гоёдог
Морьд эргэсэн наадмын дурдан тоосоор нь дээлээ гоёдог
Монгол гэсэн зургаан vсэгтэй бурхан нэрээр нь дэлхийд гоёдог
Би Монголоороо гоёдог
Алган дотор хавчигийн цагаан чулуу алгаараа ташчихад
Ангаахай гардаг болов уу гэж томоогvй насаа vнэмшиж
Аргал тvvхдээ хvртэл саврын хумснаас өмөөрөн
Алтан ширээгийнхээ чулууг шувууны амиар хайрласан
Аргалын чинээ уул байлаа ч зулайд нь хvргэж залбирна аа Эх орон минь
Алгын чинээ нутагтай гэвч заяа минь гэж тайтгарна Эх орон минь
Буйран чинээхэн уулс байвал сөхөрч суугаад жаргана
Бvрэн эрхт Монгол минь байхад сvvгээ өргөөд залбирна аа
Эх нутгийнхаа хvйтэн бороонд ч дулаацсан
Дулаацсан биенээс минь хийморь савссан
Савссан омогийн нvцгэн мананд
Сая тэнцсэн унага Монголоо эрнэ
Би ямар дэлхийн чинээ бодлоо гээд
Газрын дайтай наслах биш
Би ямар дээлтэй цахиуршиг явлаа гээд
Галын хэртэй дүрэлзэх биш дээ
Би ямар энэрлээ энэрлээ гээд
Энэ орчлонг уяхан болгох биш
Би ямар эрэглээ эрэглээ гээд
Ээжээсээ дахиад төрөх бишдээ
Би ямар үнэн худлын ард
Сүүлчийн цэгээ хатгах биш
Би ямар үүлтэй нартай хорвоод
Сүүдрээ гатлаж чатах бишдээ
Гэхдээ би агтны мөртэй Монголдоо
Амгаан чимээшиг ойрхон явах юмсан гэж боддог юм аа
Амьдрахын жамтай насандаа амьсгалхын зайтай
Үнэн явах юмсан гэж хичээдэг юмаа Эх орон минь
Би Монголоороо гоёдог
Би Монголоороо гоёдог

Сайхан амьдарлын нууц

Тунгалаг тамир

Нулимаснаас харамласан хайр--Болд

DIDO good music

ЗАМ ЗУУР

ЗАМ ЗУУР

Зам зуур

Чиний тухай бодолууд

Ар араасаа урсаад

Заяа тавилангийн үзүүр

Чиний зүгт хөтлөөд

Зам зуур


Чиний инээмсэглэл

Миний төрхөнд тодроод

Сэтгэлд дулаан хайр чинь

Сэм сэмхэн айлчлаад

Зам зуур


Цас будрах мэт мөчүүдэд

Цаг хугацаа саатаад

Зүүд, амьдрал хоёрын зааг дээр

Зүрх минь гуниггүйхэн цохилоод

Зам зуур, зам зуур...


Зам зуур

Чамтай л туулах

Алс хэтийг бодох сайхаан


Г.Гантулга 2008

Сайхан аав ижий хоёр тoo

Хар дарж зүүдэллээ би Хөлгүй их далайд хөвж явна гэж зүүдэллээ Агаар тогтуун цэнхэр тэр далайд ганцаараа Амандаа дуу аялан сэлүүрдэж явна гэж зүүдэллээ Зах нь үл үзэгдэх далайн дээгүүр Дарь-Эхийн хувилгаад тоглон бүжиж байх юм Миний танихгүй мянган бурхад Манан дундаас тодрон байна гэж зүүдэллээ Гэнэт бараан үүл гарч салхи дэгдлээ Гэтэж байсан мэт догшин давалгаа босож намайг хөөлөө Алсад нэгэн гэрэл харагдахад Амь тэмцэн тэр зүг сэлүүрдлээ гэж зүүдэллээ Хөөж буй давалгааны түрүүч завь цохиход Хөөрхий би сэлүүрээ алдаж байна гэж зүүдэллээ Саяхан байсан олон бурхад ч алга Сар хүртэл гэрэлээ нуусан байна гэж зүүдэллээ Хоёр гарт минь сэлүүр гэнэт баригдаж Хоромхон зуур бүрхэх давалгаанаас зугтан гарлаа Гэрэлийн зүг хүчээрээ сэлүүрдэж Гэрэлт тэр арал дээр очлоо гэж зүүдэллээ Арал дээр гарсан би Аварсан сэлүүр,завиа хэсэг мартлаа Хөөрхий завь минь давалгаан дунд холдож байх юм Харин хоёр сэлүүр нь аав,ижий хоёр минь байна гэнэ Их далайтай тэмцэн хүүгээ аварсан аав ижий хоёр минь Их л ядруу царайтай ч хүү рүүгээ харан инээмсэглэж Яасан гэнэн юм бэ миний хүү гэх шиг харсаар Яруухан их хайраар хүүгээ тэвэрсээр холдож байна гэж зүүдэллээ Муу хүүдээ ямарч их хайртай юм дээ аав ижий хоёр минь Мянган бурхан байгаад ч та хоёрыг минь гүйцэхгүй юм байна Салхи сэрчигнэж чимээ гаргахад сэрчихээд Сайхан аав ижий хоёроо санаад зөндөө уйллаа муу хүү чинь. by buleen

Яг одоо л би дурламаар байна

Сергей Есенин (Оросын нэрт яруу найрагч)


Яг одоо л би дурламаар байна

Яг одоо л би
Ятга шанзны гэгэлгэн аялгууг мэдэрмээр байна
Янзаган нүдтэй бүсгүйд хөл алдан дурлаж
Ямархан нэг сэтгэлийн хөг эгшгийг үзмээр байна

Энгэр цээжээ түлхэн харц гижигдэх мөөмийг нь
Энэ насандаа цавдаж үзээгүй
амтат дарс хэмээн санаж
Хайр татах нууцынхаа оргилуун охь дээжийг
Хадгалж яваа мөнгөн бумба
хэмээн таалмаар байна

Шүүрс алдахын зуурт урсаад өнгөрөх мишээлийг нь
Шүлгийн шад болгож ширхэг ширхгээр өрмөөр байна
Явган зэврүүн салхитай хаврын энэ тэнгэрийг
Янагийн халуунд булхуулсан өдрүүд олныг үзмээр байна

Галзуурсан юм шиг дурлалыг
яг одоо л амсмаар байна
Газар дэлхийгээ дахиад
цоо шинээр нь олж хармаар байна
Цээжин чанад дүрэлзэх зүрхэн тулгатай галаа
Цэцэг дэлгэрэх цагаар тийм л гоо бүсгүйд
дэлгэж нэг харуулмаар байна.

____Хүлээвэл ирнээ___

____Хүлээвэл ирнээ___

Цээжинд хүлээхийн итгэл салхилнам
Цэгээн гуниг хайраа амлан санагалзана
Цэнхэрлэн харагдах тэнгэрийн хаяа хүртэл
Цэл залуу насны дурлалаас давчуу санагдана

Цээжинд хүлээхийн итгэл салхилнам

Харцанд хүлээхийн гуниг хөвнөм
Харуй өнгөрч үүрийн гэгээтэй золгохуйд
Хайрлах харамлах нэгэн сэтгэлд зэрэгцээд
Халуун хүслийг чанадад тээж одноо

Харцанд хүлээхийн гуниг хөвнөм

Бодолд хүлээхийн жаргал ташуурнам
Болзоо задлах өдрүүд тэсэж яднам
Бороотой, цастай тайтгарлаар цангаагаа тайлаад ч
Борхон зүрхний хүслэн орчлонгоос хэдийн тасарчээ

Бодолд хүлээхийн жаргал ташуурнам

Зүүдэнд хүлээхийн тавилан хөлчүүрнэм
Зүрхэн тус газар хөндүүр оргином
Зүсээ сануулах гэж дүр чинь харагджээ…гэхдээ
Зүгээр дарстай хундаганд хөвнөм

Зүүдэнд хүлээхийн тавилан хөлчүүрнэм

Г.Гантулга /хуучин урын сангаасаа .../

Шуналтайгаар үнсдэгт уучилаарай

Шуналтайгаар үнсдэгт уучилаарай

Дахиж олдохгүй юм шиг
Даруй даруйхан, ойр ойрхон үнсдэгт уучил
Дасаж дурласан биш, шатаж хайрласан болхоороо
Давчдаад байгаа зүрх минь үнсэхээс нааш амардаггүй юм

Шуналтайгаар удаан, бүүр удаан үнсдэгт уучил
Шударга хэлэхэд өөрийнхөө төлөө үнсдэгт уучил
Хайж хайж олсон ганц эрдэнэ минь чи болхоор
Харамлаж бас хайрлаж үнсдэгийг минь ойлгоорой

Надад ирсэн жаргалыг зүүд байхаас эмээж
Нам, намуухан нойрыг чинь сэртэл үнсдэгт уучил
Нар, сарны эртэд жаргал юугаан амтлах гээд
Нас насны минь амраг гэж чамайгаа би үнсдэгээ

Дулаахан хүзүү, булбарайхан уруулыг чинь өвтгөж
Дутуу хуссан сахалаараа хатгаж үнсдэгт уучил
Үнэрлээгүй, үнсээгүй хэдхэн мөч л өнгөрвөл
Үрэл балын амттай уруулаар чинь би дутнаа

Сүүлчийн удаа юм шиг чамдаа би хоргодож
Сүүдэр сарним төрхөнд чинь согтож үнсдэгт уучил
Сүрчиг энгэсэг, мянган сарнайн охь ч
Сүүн гэгээн хацрын чинь үнэрт хүрдэггүймаа

Хайрлахдаа уруулыг чинь үнсэж жаргадаг
Харамлахдаа хацрыг чинь үнсэж тайвширлаг
Хайртыгаа чи минь уучилаарай...

Г.Гантулга 2007

Амлаж чадахгүй нь

Амлаж чадахгүй нь

Нэг үнэн хоёр олдохгүй байж магад
Нэрийг чинь дахиад шивнэхгүй байж магад
Санаж яваарай гэсэн үнсэлт чинь
Саваагүй дурлалуудын хөлд үрэгдэж
Сартай шөнийн цэнгэлээр солигдож
Сарниж замхраад мартагдаж магад

Эргэж уулзахдаа танихгүй байж магад
Энхрий төрхийг чинь санахгүй байж магад
Уучил гэж гуйхгүй байж магад
Уярсан нулимсыг чинь арчихгүй байж магад
Ганц үнэн амьдралаас дутаж магад
Галзуу дурлал минь урваж магад аа

Бардам зан, гоо үзэсгэлэн хоёр
Багтаж чамд цогцолсонийг
Шүлэг болгон биччихээд
Шүүрс алдан сууж магад
Ариухан бүхнийг чинь авчихсан хойноо
Алдуурсан үнэнээс нуугдаж магад

Нэг үнэн хоёр олдохгүй байж магад
Нэрийг чинь дахиад шивнэхгүй байж магад

---------ГАНТУЛГА-----------2005. Намар цаг